Гонконгта Қазақстан Президентінің Жолдауы талқыланды

Гонконг, 2025 жылғы 16 қыркүйек – Қазақстан Республикасының Гонконг және Макаодағы Бас консулы Бауыржан Досманбетов «Golden Wealth Technology» және «TING Company Limited» ақпараттық технологиялар компанияларының атқарушы директорларымен кездесу өткізіп, Президенттің 2025 жылғы 8 қыркүйектегі Қазақстан халқына Жолдауындағы негізгі мәселелерді талқылады.

Кездесу барысында тараптар мемлекеттік басқару мен бизнестің тиімділігін арттыру үшін жасанды интеллектті енгізу механизмдерін талқылады. Жаһандық өзгерістер жағдайында елдің тұрақты дамуы мен бәсекеге қабілеттілігін қамтамасыз етуге бағытталған стратегиялық бастамаларға ерекше назар аударылды.

Кездесу қорытындысы бойынша, компаниялар Қазақстанмен ынтымақтастыққа және бірлескен жобалардың бағыттарын талқылауға қызығушылық танытты.

 «Golden Wealth Technology» компаниясы Гонконг Халықаралық әуежайын қоса алғанда  озық ЖТ-технологияларды әзірлеу және қамтамасыз ету саласында жетекші орынға ие. «TING Company Limited» оқыту сапасын арттыру үшін мектептерге цифрлық және ақпараттық технологиялық шешімдерді ұсынуға маманданған білім беру технологиялары саласындағы көшбасшы компаниялардың бірі болып табылады.