Брестте Ұлы Отан соғысы жылдарында қаза тапқан қазақстандықтарды еске алуға арналған мемориалдық тақта орнатылды

Брест, 2025 жылғы 21 маусым – Ұлы Отан соғысындағы Жеңістің 80 жылдығы аясында Брест қамалының гарнизондық зиратының Даңқ аллеясында Беларусьті азат еткені үшін Ұлы Отан соғысы жылдарында қаза тапқан Қазақстанның тумаларын еске алуға арналған мемориалдық тақта орнатылды.

Іс-шараға Брест қаласындағы Қазақстан Республикасының Бас консулы Мақсат Ибраев, Брест қалалық Атқарушы комитетінің төрағасы Сергей Лободинский, Брест қаласындағы Қазақстан Республикасының Құрметті консулы Владимир Бокач, Брест облысының басшылығы, дипломатиялық корпус мүшелері, жұртшылық өкілдері, сондай-ақ қала қонақтары қатысты.

Өз сөзінде М.Ибраев соғыстың алғашқы күндерінен бастап ең қатал шайқастарда соғысқан, Мәскеу мен Ленинградты қорғаған, Сталинград, Курск және Ржев маңында соғысқан, Беларусь, Украина, Еуропа елдерін азат еткен қазақстандық жауынгерлердің ерлігін атап өтті. Жүздеген қазақстандықтар Брест бекінісінің қорғаушыларының қатарында болды.