Минскіде қазақтың ұлы ойшылы, ақыны Абай Құнанбаевтың 180 жылдығына арналған дөңгелек үстел өтті
Минск, 2025 жылғы 18 маусым – Беларусь ұлттық техникалық университетінде (БҰТУ) Қазақстанның Беларусьтегі Елшілігімен, Абай атындағы Қазақ тілі, тарихы және мәдениеті орталығымен және Л. Гумилев атындағы Еуразия ұлттық университетімен (онлайн форматта) бірлесіп ұйымдастырған ұлы қазақ ойшылы, ақыны, философы Абай Құнанбаевтың туғанына 180 жыл толуына арналған «Душой и сердцем чистым будь» атты дөңгелек үстел өткізілді.
БҰТУ оқу жұмысы жөніндегі проректоры Юрий Николайчик дөңгелек үстелге қатысушыларды құттықтай отырып, Ұлы Абайдың қазақ әдебиетіне, ғылымына және ағартушылығына қосқан үлесін атап өтті. Біздің елдеріміздің мәдени-гуманитарлық саладағы ынтымақтастығының дамуы туралы хабардар етті: 2012 жылы БҰТУ негізінде Абай атындағы Қазақ тілі, тарихы және мәдениеті орталығы құрылды, ал Астанада Л.Гумилев атындағы ЕҰУ жанында – Беларусь тілі мен мәдениетінің орталығы.
Қазақстанның Беларусьтегі Елшісі Тимур Жақсылықов өз сөзінде Абай Құнанбаевтың көрнекті философ, ақын, ағартушы және жаңа ұлттық әдебиеттің негізін қалаушы ретіндегі Қазақстан тарихындағы және одан тыс жерлердегі өшпес ізін атап өтті.
Дөңгелек үстел барысында ақынның Беларусь және орыс тілдеріндегі өлеңдері, философиялық-поэтикалық мұра туралы баяндамалары айтылды. Абайдың «Қара сөздері» прозалық шығармасына ерекше назар аударылды.
Іс-шараға қатысушылар IV Республикалық Абай оқуларының дипломанты, облыстық Абай өлеңдерінің оқуы байқауының жеңімпазы Гүлмира Мұқанованың (қазақ тілінде) және қазақ диаспорасының өкілі Марианна Сәуленбекқызының («Лето» өлеңінің орыс тіліне аудармасы) жарқын сөздерін жоғары бағалады.
Сөз соңында Т. Жақсылықов дөңгелек үстелге қатысушыларға қазақ халқының ұлы ақынының шығармашылығына көңіл бөлгені және қызығушылығы үшін алғысын білдірді. Оның бейбітшілік, үйлесімділік және ағартушылық туралы идеялары біздің белорус достарымыздың жүрегінде үндесетініне және мәдени өзара іс-қимылды одан әрі дамытуға, Қазақстан мен Беларусь арасындағы достық пен стратегиялық ынтымақтастықты нығайтуға қызмет ететініне сенетінін жеткізді.