Астана және Любляна Словения Президентінің Қазақстанға ресми сапары барысында қол жеткізілген уағдаластықтарды іске асыруға бағытталған

Любляна, 2025 жылғы 26 мамыр – Қазақстанның Словениядағы Елшісі Данияр Сарекеновтің Словения Президентінің сыртқы саясат мәселелері жөніндегі кеңесшісі Дамьян Бергантпен кездесті.

Сұхбат барысында тараптар ынтымақтастықтың негізгі аспектілерін талқылап, Словения Президенті Наташа Пирц Мусардың Қазақстанға өткен ресми сапары барысында қол жеткізілген уағдаластықтарды жүзеге асыруға өзара ұмтылыстарын растады.

Сауда-экономикалық ынтымақтастық жөніндегі үкіметаралық комиссияның кезекті отырысын дайындауға және өткізуге, сондай-ақ көлік-логистика, атом энергетикасы, цифрлық технологиялар және фармацевтика өнеркәсібі салаларындағы серіктестікті дамытуға ерекше назар аударылды. Екі тарап инвестициялық ынтымақтастық пен словен компанияларын Қазақстандағы жобаларға тарту саласындағы маңызды перспективаларды атап өтті.

Туризм индустриясы мен мәдени-гуманитарлық бастамалар ынтымақтастықтың басым бағыттары ретінде танылады. Қазақстан ғылым мен білім саласындағы Словениямен байланыстарды жандандыруға дайын екенін білдірді.

Тараптар сенімге, достыққа және өзара сыйластыққа негізделген серіктестік қарым-қатынастарды одан әрі тереңдетуге бейілділігін растады.