Бельгиядағы қазақ дипломаттары Екінші дүниежүзілік соғыс батырларын еске алды

Брюссель, 2025 жылғы 9 мамыр – Екінші дүниежүзілік соғыстағы Жеңістің 80 жылдығына орай Қазақстан Республикасының Бельгия Корольдігіндегі Елшілігі Брюссель зиратында өткен салтанатты гүл шоқтарын қою рәсіміне қатысты.

Рәсім фашизмге қарсы күресте қаза тапқан жауынгерлердің ерлігіне деген терең құрмет атмосферасында өтті. Іс-шараға Елшілік дипломаттары, Бельгиядағы НАТО штаб-пәтері жанындағы ҚР Қорғаныс министрлігінің әскери өкілдігінің офицерлері, сондай-ақ шетелдік дипломатиялық миссияларының өкілдері қатысты.

Қазақстан халқы Ұлы Жеңіске зор үлес қосты. Ұлы Отан соғысы жылдарында майданға 1 миллион 200 мыңнан астам қазақстандық аттанды, олардың жартысы ерлікпен қаза тапты. 500-ден астам қазақстандыққа Кеңес Одағының Батыры атағы берілді. Он оқтың тоғызы қазақстандық қорғасыннан құйылған.