Қазақ дипломаттары Жеңістің 80 жылдығына арналған Нью-Делидегі салтанатты рәсімге қатысты

Нью-Дели, 2025 жылғы 9 мамыр – Ұлы Отан соғысындағы Жеңістің 80 жылдығына орай Қазақстанның Үндістандағы Елшісі Азамат Есқараев пен Елшілік дипломаттары Үндістан астанасындағы Жеңіс монументіне гүл шоқтарын қою рәсіміне қатысты.

Іс-шара Ресейің Үндістандағы аумағындағы мемориалда өтіп, ТМД елдерінің дипломатиялық миссияларының өкілдерін бір арнаға тоғыстырды.

А. Есқараев Жеңіс күнінің тарихи маңызын атап өтіп, фашизмді жеңуде Кеңес Одағы халықтарының, соның ішінде қазақ халқының да қосқан ерен үлесіне ерекше тоқталды. Соғыс жылдарында 1,2 миллионнан астам қазақстандық майданға аттанып, олардың жартысынан астамы елге оралмағаны, 500 қазақстандықтың Кеңес Одағының Батыры атағына ие болғаны аталып өтті.

Рәсім қаза тапқан батырларды бір минут үнсіздікпен еске алып, гүл шоқтарын қоюмен аяқталды.