Қазақстан мен Малайзияның цифрлық технологиялар және коммуникациялар саласындағы ынтымақтастығы

Қазақстан мен Малайзияның цифрлық технологиялар және коммуникациялар саласындағы ынтымақтастығы

Куала-Лумпур, 2024 жылғы 18 сәуір – Сайберджайда (Cyberjaya) Қазақстанның Малайзиядағы Елшісі Болат Сүгірбаев Малайзияның коммуникациялар және мультимедия жөніндегі комиссиясының Төрағасы Мохамад Сәлім Бин Фатех Динмен кездесу өткізді.

Кездесу барысында тараптар коммуникациялар және цифрлық технологиялар саласындағы ынтымақтастықтың перспективаларын, сондай-ақ осы саладағы өзекті сын-қатерлерді талқылады. Балалар мен отбасылардың құқықтары саласындағы заңнамалық реттеу, 5G инфрақұрылымын дамыту, Қазақстанның цифрландыру және электрондық үкіметті дамыту саласындағы табысты тәжірибесі мәселелеріне ерекше назар аударылды.

Комиссия төрағасы цифрлық технологиялардың өсіп келе жатқан рөлін ескере отырып, халықтың өмір сүру сапасын жақсарту контекстінде ынтымақтастықты жолға қоюды ұсынды.