Қазақстан Елшісі Словакия Президентіне сенім грамоталарын табыстады

Братислава, 2025 жылғы 28 қаңтар – Президент сарайында Қазақстан Республикасының Елшісі Жанна Сағынованың Словак Республикасының Президенті Петер Пеллегриниге сенім грамоталарын тапсыру рәсімі өтті.

Салтанатты рәсім аясында өткен екіжақты кездесу барысында тараптар екі ел арасындағы қарым-қатынастардың достық сипатын айтып, саяси диалогты, сондай-ақ сауда-экономикалық ынтымақтастықты және мәдени-гуманитарлық байланыстарды нығайтуға бағытталған дәйекті бағытты сақтаудың маңыздылығын атап өтті.

Кездесу соңында П.Пеллегрини Елшіге дипломатиялық миссиясында табыстар тілеп, Қазақстан Президенті Қасым-Жомарт Тоқаевқа жылы тілектерін жолдады.