Бакуде Қазақстан мен Әзербайжан сыртқы саяси ведомстволары арасындағы саяси консультациялардың кезекті раунды өтті

Баку, 2023 жылғы 16 наурыз – Қазақстан Сыртқы істер министрінің орынбасары Ермұхамбет Қоныспаев пен Әзербайжан Сыртқы істер министрінің орынбасары Халаф Халафов төрағалық еткен Қазақстан-Әзербайжан саяси консультацияларының кезекті раунды өтті.

Іс-шара барысында тараптар екіжақты ынтымақтастықтың жай-күйі мен одан арғы даму перспективаларын егжей-тегжейлі талқылап, алдағы жоғары және аса жоғары деңгейдегі іс-шараларға дайындық барысын пысықтады, халықаралық және өңірлік күн тәртібіндегі мәселелер бойынша пікір алмасты.

Қазақстан Республикасының Президенті Қасым-Жомарт Тоқаевтың 2022 жылғы тамызда Әзербайжан Республикасына жасаған ресми сапары барысында қол жеткізілген уағдаластықтардың жүзеге асырылуына ерекше назар аударылды.

Қортындылай келе, тараптар қазақ-әзербайжан ынтымақтастығы оң серпінде әрі табысты дамып жатқанын атап өтті, сондай-ақ екі елдің сыртқы істер министрліктері деңгейіндегі тығыз ынтымақтастықты барлық салалардағы стратегиялық қарым-қатынастарды нығайту мен одақтастық ынтымақтастықты тереңдету мақсатында одан әрі жалғастыруға ниетті екенін растады.