Нұр-Сұлтан, 2021 жылдың 4 тамызы – Қазақстан Республикасы мен Корея Республикасының сыртқы істер министрліктері арасында саяси консультациялардың 11-ші раунды бейнеконференция түрінде өтті.
Қазақстандық делегацияны Қазақстан Республикасы Сыртқы істер министрінің Бірінші орынбасары Шахрат Нұрышев, корей делегациясын Корея Республикасы Сыртқы істер министрінің орынбасары Ё Сынг Бэ басқарды.
Келіссөздер барысында тараптар екіжақты стратегиялық серіктестіктің жай-күйі мен даму перспективаларын талқылады. Осы ретте екі ел арасындағы саяси диалогтың, сауда-экономикалық, инвестициялық ынтымақтастықтың және гуманитарлық байланыстардың үдемелі дамуы атап өтілді.
Кездесу соңында тараптар сенімді саяси диалог пен экономикалық ынтымақтастықты жалғастыру бағытына өздерінің бейілділігін растады.