Қазақстан CІМ-де дипломатиялық миссиясы аяқталуына орай Кувейт Елшісін қабылдады

Астана, 2025 жылғы 29 тамыз – Қазақстан Республикасы Сыртқы істер министрінің орынбасары Әлібек Бақаев еліміздегі дипломатиялық миссиясы аяқталуына байланысты Кувейт Мемлекетінің Елшісі Омар Әл-Кандериді қабылдады.

Министрдің орынбасары Қазақстан мен Кувейт арасындағы ынтымақтастық деңгейін жоғары бағалап, өзара тиімді серіктестікті нығайтуға қосқан үлесі үшін О. Әл-Кандериге ризашылық білдірді.

Өз кезегінде кувейттік дипломат Қазақстанда жинаған тәжірибесін ерекше атап өтіп, достық пен өзара түсіністікке негізделген екіжақты және көпжақты іс-қимылды одан әрі дами беретініне сенімділігін жеткізді.

Кездесу соңында Кувейт Елшісіне Қазақстан Республикасы Премьер-министрінің орынбасары – Сыртқы істер министрі Мұрат Нұртілеудің алғыс хаты табысталды.