2021 жылғы 2 қаңтарда Қазақстан Республикасының Президенті Қ.Тоқаев «Өлім жазасының күшін жоюға бағытталған Азаматтық және саяси құқықтар туралы халықаралық пактіге екінші Факультативтік хаттаманы ратификациялау туралы» Заңға қол қойды. Бұл қадам адам құқықтарын қорғау саласындағы прогрессивті дамудың және еліміздің өз халықаралық міндеттемелерін орындауының айқын дәлелі болып табылады.
Хаттаманың ережелеріне сәйкес Қазақстан әскери сипаттағы аса ауыр қылмыстар жасағаны үшін кінәлі деп танылғаннан кейін соғыс уақытында өлім жазасын қолдану құқығын өзіне қалдыратындығы жөнінде оған жол берілетін жалғыз ескертпе жасады. Біздің еліміз үшін бұл ескертпе түбегейлі сипатқа ие.
Қазіргі уақытта Қазақстан Республикасы Ұлттық қылмыстық заңнаманы халықаралық Хаттаманың нормаларына сәйкес келтіру бойынша жұмыс жүргізуде. Бұл жұмысты ү.ж. бірінші жартысында аяқтау жоспарланып отыр.
Осыдан кейін Қазақстан Республикасының тиісті ратификациялау грамотасы БҰҰ Бас хатшысына жіберіледі, ал үш айдан кейін Хаттама Қазақстан үшін өз күшіне енеді.