Жалпы мәліметтер
1992 жылғы 19 тамыз - Қазақстан Республикасы мен Португалия Республикасы арасында дипломатиялық қатынастар орнаған күн.
2015 жылы Португалияның Қазақстандағы Елшілігі ашылды.
2019 жылы Португалияда ҚР Елшілігі ашылды.
2019 жылғы қыркүйектен бері Қазақстан Республикасының Португалия Республикасындағы Төтенше және Өкілетті Елшісі Д.Батырашев болып табылады.
2022 жылғы маусымнан 2023 жылғы желтоқсанға дейін - Португалия Республикасының Қазақстан Республикасындағы Төтенше және Өкілетті Елшісі Мария де Фатима Велес де Андраде Мендеш болды.
Жоғары және жоғары деңгейдегі байланыстар
ҚР Президенті Н.Назарбаев 2010 жылғы 18-19 қарашада НАТО Саммитіне қатысу шеңберінде Португалияға жұмыс сапармен барды.
ҚР Президенті Қ. Тоқаев БҰҰ БА-ның 74-ші және 78-ші сессиялары шеңберінде Президент М. Соузамен кездесті.
Португалияның Сыртқы істер министрлері Луиш Амаду мен Паулу Порташ ҚР-ға үш рет сапармен барған (2010, 2012 және 2014 жж.).
ҚР Сыртқы істер министрі Е.Ыдырысов пен ҚР Премьер-Министрінің орынбасары-Сыртқы істер министрі М.Тілеуберді Португалияға сапармен барды жасады (тиісінше 2013 ж. мамыр және 2023 ж. 15-17 ақпан).
Сонымен қатар, ҚР Премьер-Министрінің орынбасары А.Жұмағалиевтың (2017 ж. 6-8 қараша), Астана әкімі Б. Сұлтановтың (2019 ж. 4-6 сәуір) және ҚР Ақпарат және қоғамдық даму министрі Д. Абаевтың (2019 ж. 20-23 маусым) Португалияға сапарлары өтті.
Парламентаралық ынтымақтастық
2009 ж. сәуірде - ҚР Парламенті Сенатының Төрағасы Қ. Тоқаевтың Португалияға сапары;
2012 ж. наурызда – И.Адырбеков бастаған ҚР Парламенті делегациясының Португалияға сапары.
Республика Ассамблеясында және ҚР Парламентінде «Қазақстан-Португалия» парламенттік достық топтары жұмыс істейді.
Сауда-экономикалық ынтымақтастық
Соңғы жылдары өзара сауда көрсеткіштері сенімді өсуді көрсетіп келеді.
Екіжақты тауар айналымы 2023 жылы 50,5 млн. АҚШ долл. (экспорт – 4,9 млн., импорт – 45,6 млн.) құрады, бұл өткен жылмен салыстырғанда 65%-ға жоғары (30,6 млн. АҚШ долл., экспорт – 83,6 мың, импорт – 30,5 млн.).
ҚР Ұлттық банкінің мәліметінше, 2005 ж. бастап 2023 ж. III тоқсанына дейінгі кезеңде Португалиядан Қазақстанға тікелей инвестицияның жалпы ағыны 254,4 млн. АҚШ долл. құраған.
Қазақстанда Португалия капиталының қатысуымен жиырмадан астам заңды тұлғалар, филиалдар мен өкілдіктер тіркелген.
Мәдени-гуманитарлық ынтымақтастық
2018 ж. наурызда Лиссабон қаласында ҚР Халық әртісі А.Мұсақожаеваның концерті өтті.
2019 ж. шілдеде TURKSOY Жастар камералық хоры Лиссабонда өткен Халықаралық хор музыкасы фестиваліне қатысты.
2019-2020 жылдары қазақстандық студенттер ҚазҰӨУ мен Лузофония гуманитарлық-технологиялық университеті арасындағы ынтымақтастық туралы келісім шеңберінде магистратура курстарында білім алды.
2023 ж. Порту, Брага және Лиссабон қалаларында Қазақстанның Forte-Trio Мемлекеттік камералық ансамблінің концерттері өтті.
Қазақстандық режиссерлердің кинокартиналары BRAGACINE Халықаралық тәуелсіз кинофестиваліне қатысып келеді: 2022 ж. «Қазақ хандығы: Алмас қылыш» көркем фильмі бас жүлдеге ие болды және «Ең үздік режиссерлік жұмыс» номинациясы бойынша бас жүлдеге иемденді, сондай-ақ «Жаужүрек мыңбала» кинокартинасы осы фестивальге 2023 жылы қатысты.
2023 ж. Kazakhstan-Like Never Before қазақстандық ролигі Португалиядағы 16-шы Халықаралық ART&TUR туристік кинофестивалінің «Ең үздік елдік ролик» және «Ең үздік жарнамалық науқан» бірдей 2 басты категориясында жеңімпаз атанды.
Португалиямен академиялық байланыстарды кеңейту мақсатында ынтымақтастық туралы бірқатар екіжақты құжаттар жасалған: - әл-Фараби ат. ҚазҰУ, Лиссабон Инженерлік институты және Лиссабон университеті арасындағы тағылымдамалар, білім беру бағдарламалары және ғылыми-зерттеу жұмыстарын жүргізу бойынша (2011 ж.); ҚазҰӨУ мен Жаңа Лиссабон университеті арасында академиялық ұтқырлық шеңберінде оқушылар мен оқытушылар алмасу бойынша (2019 ж.); Түркістан қаласының халықаралық туризм және қонақжайлылық университеті мен Алгарве университеті арасында, сондай-ақ жоғарыда аталған қазақстандық жоғары оқу орны мен Минью университеті арасында (2020 ж.).
2022 ж. ҚР Президенті жанындағы Мемлекеттік басқару Академиясы мен ПР СІМ Дипломатия институты арасында дипломатиялық персоналды даярлау, бірлескен зерттеулер жүргізу, ақпарат және құжаттармен алмасу бойынша өзара түсіністік туралы меморандумға қол қойылды.