Польшадан Қазақстанға әдеби саяхат

Варшава, 2025 жылдың 4 қарашасы – Варшаваның Владислав Реймонт атындағы лицейінде Абай Құнанбайұлының 180 жылдығын мерекелеу аясында Қазақстан мен Польшаның екі көрнекті ақыны — Абай Құнанбайұлы мен Адам Мицкевичке арналған «Польшадан Қазақстанға әдеби саяхат» атты ашық сабақ өтті.

Сабақ барысында оқушылар Абай мен Мицкевичтің шығармаларын салыстырып, олардың адамзат пен табиғат туралы ойларындағы ұқсастықтарды анықтады. Сондай-ақ, А. Мицкевичтің Абайдың қазақ тіліне аударған «С.Б. естелігінен» өлеңі тамашаланды. Әдебиетте көрініс тапқан жалпыадамзаттық құндылықтарды талқылауға түрткі болған Абайдың «Қара сөздерінен» үзінділерді талдауға ерекше назар аударылды.

Сонымен қатар, Польша мен Қазақстанда орналасқан Абай мен Мицкевичке байланысты ескерткіштер мен мемориалдық орындар туралы презентация өткізіліп, мәдениетаралық диалогтың және екі елдің әдеби мұрасына өзара құрметтің маңыздылығы атап өтілді.

Сондай-ақ, мектеп залында дәстүрлердің байлығын көрсетіп, қазақ тарихы мен салт-дәстүрлеріне қызығушылық тудырған Қазақстан мәдениетіне арналған көрме ұйымдастырылды.

Іс-шара Польшаның өскелең ұрпағы арасында қазақ мәдени мұрасын насихаттауға жақсы мүмкіндік болды.

Поляк оқушылар қазақ тағамдарының дәмін татып, іс-шараны одан әрі достық және есте қаларлықтай етті