Қазақстан Польшамен фармацевтика саласындағы екіжақты байланыстарды нығайтуда

Варшава, 2025 жылғы 10 маусым -  Қазақстанның Польшадағы Елшісі Нұрлан Жалғасбаев TZF Polfa поляк фармацевтикалық зауытында болып, Компания Президенті Максимилиан Щвинярскиймен кездесті. Кездесу ҚР Премьер-Министрінің орынбасары - Сыртқы істер министрі Мұрат Нұртілеудің ү. ж. мамыр айында Варшаваға жасаған сапары барысында қол жеткізілген уағдаластықтардың жалғасында өтті.

Қазақстандық дипломат компанияның Қазақстанда TZF Polfa қатысуын кеңейту жөніндегі жоспарларымен, сондай-ақ келісімшарттық өндіріс пен технологиялар трансфертін, оның ішінде инсулин, ОЖЖ үшін және т.б. препараттар өндіру саласындағы жолға қою перспективаларымен танысты.

Сондай-ақ, дәрілік заттардың кең спектрін өндіру бойынша кешен құрылысының жобасы таныстырылды.

Қорытындысы бойынша компанияның Қазақстандағы қызметін одан әрі кеңейтуге жәрдемдесу туралы уағдаластыққа қол жеткізілді.