UMC және и «Bambino Gesù» генетика саласындағы клиникалық және ғылыми-зерттеу жұмыстарында ынтымақтастықты нығайтуда

2025 жылғы 3 шілдеде Қазақстанның Қасиетті Тақ жанындағы Елшілігінің қолдауымен Қазақстан корпоративтік қоры «University Medical Center» (UMC) және Ватиканның педиатриялық госпиталі «Bambino Gesù» арасында бейнеконференция өтті.

«Bambino Gesù» балалар госпиталі – бұл Еуропадағы жетекші балалар амбулаториялық және ғылыми-зерттеу орталығы. Сондай-ақ, ол сирек кездесетін аурулар бойынша ең ірі халықаралық дерекқорды қамтитын Италиядағы «Orphanet» орталығы болып табылады.

Кездесу 2022 жылы тараптар арасында қол қойылған өзара түсіністік туралы Меморандумда бекітілген келісімдерді дамыту аясында өтті.

Бейнеконференцияға балалар педиатриясы саласындағы жетекші қазақстандық және итальяндық мамандар, сондай-ақ екі ұйымның басшылары қатысты.

Бейнеконференция барысында тараптар балалардың сирек ауруларын емдеудегі құрылым, міндеттер мен жетістіктерге арналған толық презентациялар жасады.

«Bambino Gesù» госпиталінің ғылыми және сараптамалық әлеуетін ескере отырып, эпилепсия және балалар неврологиясы саласындағы диагностика, емдеу және ғылыми-зерттеу мәселелері бойынша терең талқылау жүргізілді. Қатысушылар кәсіби тағылымдамалар, телемедицина және бірлескен клиникалық зерттеулер бағдарламаларын қоса алғанда, бірлескен жобаларды іске асыруға қызығушылық танытты.

Арнайы назар осы күздегі Қазақстанға «Bambino Gesù» госпиталінің басшысы Тициано Онестидің сапарына аударылды. Қазақстан тарапы Т.Онестимен тек UMC басшылығымен ғана емес, сондай-ақ Қазақстандағы басқа медициналық мекемелермен де кездесулер ұйымдастыруды ұсынды.

Кездесу қорытындысы бойынша бірлескен бастамаларды егжей‑тегжейлі талқылау үшін жуық арада келесі бейнеконференция өткізу туралы келісімге қол жеткізілді.

Бейнеконференция қатысушылары ынтымақтастықты нығайтуға ортақ ұмтылыстарын растады, UMC мен «Bambino Gesù» госпиталінің серіктестігі балалар денсаулығы саласында озық тәжірибелерді енгізудің берік негізі болатынын атап өтті.