Қазақстанның Моңғолиядағы Елшісі Алмас Сейтақынов Налайх ауданының әкімі Д.Наянбаярмен келіссөздер өткізді

Ұлан-Батыр, 2026 жылғы 16 қаңтар – Қазақстанның Моңғолиядағы Елшісі Алмас Сейтақынов Налайх ауданына жұмыс сапарымен барып, әкім Д.Наянбаярмен кездесті.

Келіссөздер барысында тараптар сауда-экономикалық байланыстарды нығайту, инвестициялық өзара іс-қимылды жандандыру, ауыл шаруашылығы, туризм және мәдениет салаларындағы ынтымақтастықты кеңейту мәселелерін талқылады. Сондай-ақ, бірлескен жобаларды іске асыру мүмкіндіктері, өзара қызығушылық тудыратын өзге де бағыттар бойынша ынтымақтастықтың әлеуеті қарастырылды.

Кездесу аясында қалалар арасында әріптестік байланыстар орнату мүмкіндігі жөнінде пікір алмасылып, түрлі іс-шараларды, оның ішінде Наурыз мейрамын бірлесіп өткізудің маңыздылығы ерекше атап өтілді.

Келіссөздер қорытындысы бойынша тараптар тұрақты байланыста болып, өзара тиімді әрі тығыз ынтымақтастықты одан әрі дамытуға уағдаласты.