Түрікменбашы қаласында (Түрікменстан) Қазақстан Республикасы Консулдығының жаңа ғимаратының ашылу салтанаты болды

2024 жылғы 18 желтоқсанда Қазақстан Республикасы Консулдығының жаңа ғимараты ашылды. Іс-шараға Қазақстан Республикасының Төтенше және Өкілетті Елшісі Нұрлан Ногаев, Қазақстан Елшілігінің және консулдық қызметкерлері мен қандастар қатынасты. Түрікмен тарапынан салтанатты шараға қала хәкімі Амангелди Исаев, Түрікменстан СІМ-інің Балкан велаяты бойынша өкілдігі басшысы Йалкапберди Муратгельдиев, мәдениет пен бизнес өкілдері және тағы басқалар болды. РФ-ның Түрікменстандағы Елшілігінің Түрікменбашы қаласындағы консулдық пунктінің басшысы Мерген Джеваков құрметті қонақ ретінде қатысты.     

Елші Н.Ноғаев, – екі ел көшбасшыларының арасындағы диалог біздің өзара қатынастарымыздың өзегі екенін және мемлекеттік органдардың өзара іс-қимылы мен сауда-экономикалық ынтымақтастық маңызды орын алатынын атап өтті. Сондай-ақ ол адамдар арасындағы қарым-қатынастың рөлі зор екенін тілге тиек етіп, осы консулдық қызмет екі ел азаматтарының араласуына дәнекер болатынын баса айтты.

«Ортақ салт-дәстүріміз, ортақ тарихымыз, бір- біріміздің мүдделерімізді ескеру Қазақстан мен Түрікменстан арасындағы ынтымақтастықтың стратегиялық сипатының іргесі болды. Достық пен өзара қолдаудың қалыптасқан нысаны уақыт сынынан өтті және екіжақты қатынастарды табысты ілгерлетудің негізіне айналды.», - деді ол.

Қазақ диаспорсы өкілдерінің қатысуымен Қазақстан Республикасының Тәуелсіздік күніне арналған концерт ұйымдастырылды және ұлттық тағамдар дайындалып, іс-шара құрметіне мерекелік дастархан жайылды.