Қазақстан, Өзбекстан және Түркі мәдениеті мен мұрасы қоры арасында Ташкент декларациясының қабылдануы

Форумның басты практикалық нәтижесі Қазақстан, Өзбекстан және Түркі мәдениеті мен мұрасы қоры арасында Ташкент декларациясының қабылдануы болды. Декларация ұзақ мерзімді әдеби және мәдени ынтымақтастықтың негізгі бағыттарын айқындайды. Құжат үш тараптың жазушылары, ақындары, аудармашылары, әдебиеттанушылары және баспа ұйымдары арасындағы тікелей өзара іс-қимылды дамытуға, әдеби алмасуды кеңейтуге және қазақстандық және өзбек авторларының шығармаларын аударуға қолдау көрсетуге бағытталған.

Ташкент декларациясы бірлескен әдеби бастамаларға жүйелі сипат беруге, шығармашылық кездесулер, кәсіби алмасулар мен халықаралық мәдени жобаларды өткізуге, сондай-ақ түркі әлемінің ортақ рухани және әдеби мұрасын сақтау мен кеңінен насихаттауға ықпал етпек. Декларация ережелерінің іске асырылуы Қазақстан, Өзбекстан және Түркі мәдениеті мен мұрасы қоры арасындағы мәдени-гуманитарлық байланыстарды нығайтуға және тұрақты әдеби диалогты дамытуға маңызды үлес қосары анық.