Қазақстандық агроделегация Эстонияның озық фермерлік шаруашылықтарына барды

Таллинн, 2025 жылғы 4-5 тамыз - Елшілік Эстония асыл тұқымды мал шаруашылығы қауымдастығымен бірлесіп, Қазақстанның ірі ауыл шаруашылығы кәсіпорындары өкілдерінің Эстонияның бірқатар жетекші фермерлік шаруашылықтарына сапарын ұйымдастырды.

Сапар барысында қазақстандық тарап Эстонияның жоғары ветеринариялық стандарттарымен танысты, оларда лейкемия, бруцеллез, туберкулез, аусыл, губка тәрізді энцефалопатия, катаральды қызба және т. б. сияқты қауіпті жұқпалы аурулар мүлдем жоқ.

Етті мал шаруашылығындағы ынтымақтастық, оның ішінде қазақстандық нарық үшін асыл тұқымды ірі қара малды (Ангус және Герефорд тұқымдары) сатып алу мүмкіндігі, сондай–ақ тұқымның гендерлік селекциясын қоса алғанда, қолдан ұрықтандыру технологияларын енгізу ерекше қызығушылық тудырды.

Сүт өндірісіндегі Эстония фермаларының нәтижелері де әсерлі болды: 2024 жылдың қорытындысы бойынша елдегі бір сиырдан орташа есеппен 13 500 кг сүт алынды, бұл Эстонияға осы көрсеткіш бойынша екінші жыл қатарынан Еуропалық Одақта бірінші орын алуға мүмкіндік берді. Бұл жетістіктер өндірістің барлық кезеңдерінде теңдестірілген азықтандыру және тиімді басқару арқылы қамтамасыз етіледі.

Қазіргі уақытта тараптар мал шаруашылығы саласындағы ынтымақтастықтың негізгі бағыттарын қамтитын Эстония асыл тұқымды мал шаруашылығы қауымдастығы арасындағы ынтымақтастық туралы келісімді пысықтауда.