Сингапур, Австралия және Жаңа Зеландияның ресми тұлғаларына, сарапшылық және журналистік топтарына арналған алдағы республикалық референдум мәселелері бойынша Онлайн-брифинг

2022 жылғы 18 мамырда Қазақстанның Сингапурдағы Елшісі Аркен Арыстанов ү.ж. 5 маусымында өтетін ҚР Конституциясына өзгерістер мен толықтырулар енгізу жөніндегі Республикалық референдумның мәселелері бойынша Сингапурдың, Австралияның және Жаңа Зеландияның ресми тұлғалары, сарапшылар және журналистер қауымы үшін онлайн-брифинг өткізді.

Мемлекет басшысының «Жаңа Қазақстан: Жаңару мен жаңғыру жолы» атты жаңа саяси күн тәртібі аясында дипломатиялық миссия басшысы «ҚР Конституциясына өзгерістер мен толықтырулар енгізу туралы» ҚР Заңының жобасының тармақтарына егжей-тегжейлі тоқталды.

Елші Аркен Арыстанов алдағы ауқымды және маңызды өзгерістер ел болашағына елеулі ықпал етіп, Қазақстан таңдаған дамудың жаңа жолының тиімді құрылуын қамтамасыз ететінін ерекше атап өтті.