Жаңа Зеландияда Қазақстан Республикасының құрметті консулдығы ашылды

2021 жылғы 23 ақпанда Қазақстан Республикасының Сингапур Республикасындағы, Австралия Достастығындағы мен Жаңа Зеландиядағы Елшісі Аркен Арыстанов Жаңа Зеландияның ең ірі қаласы – Окленд қаласында Қазақстанның Құрметті консулдығының салтанатты ашылу рәсіміне онлайн режимде қатысты. Құрметті консул болып Beesley Investments Limited консалтингтік компаниясының директоры Брайан Эшли Джонсон тағайындалды.

Б.Джонсон мырза көптеген жылдар бойы қазақстандық-жаңа зеландиялық өзара іс-қимылды кеңейтуге жәрдемдеседі, атап айтқанда, Алматы Регби клубымен ынтымақтасады, сондай-ақ Жаңа Зеландиядағы Қазақстан азаматтарына белсенді түрде жәрдем көрсетеді. Сонымен бірге, ол Жаңа Зеландиядағы Әлемдік судья (Justice of the peace) болып табылады.

Кездесуге Қазақстан Республикасының Австралиядағы Бас консулы Марат Қалижанов, Қазақстанның Аустралиядағы құрметті консулдары Эндрю Фернихоу (Мельбурн қаласы) және Джейсон Стрибинскис (Перт қаласы) қатысты.

Елші А.Арыстанов 2021 жыл үлкен датамен - Қазақстан Тәуелсіздігінің 30 жылдығымен тұспа-тұс келгенін және Қазақстанның Жаңа Зеландия және Австралиямен екіжақты қарым-қатынастарын ілгерілетуде белсенді жұмысты жалғастыру қажеттігін атап өтті.

Қазақстанның Австралиядағы құрметті консулдары, өз кезегінде, Б.Джонсон мырзаға табыс тілеп, жаңа лауазымда көмек көрсетуге уәде берді.