Стокгольмде Республика Күні атап өтілді

Стокгольм қ., 23 қараша 2025 ж. – Қазақстанның Швециядағы Елшілігі «Dostar» атты қазақстандық қауымдастығымен бірігіп «Medborgarskolan Stockholmsregionen» ассоциациясының ғимаратында Республика күніне орай қабылдау өткізді.

Қазақстан Республикасының Швеция Корольдігіндегі Елшісі Олжас Сүлейменов өз құттықтау сөзінде Республика күні – бұл Қазақстанның тәуелсіздігі мен бірлігінің, сондай-ақ елдің дамуға және әлемге ашық болуға деген ұмтылысының символы екенін атап өтті. Бұл мереке әрбір қазақстандық қай жерде болса да өз елінің имиджін ілгерілетуге үлес қосатынын еске салады.

Диаспорының өкілдері концерттік бағдарлама ұсынып, ұлттық әндер, Н.Тілендиевтің, Құрманғазының және К.Күмісбековтың шығармаларын орындады. Сондай-ақ, Қауымдастықтың мүшесі А.Әбдірахман ұйымдастырған балалар би тобы «Қамажай» биін орындады.

Көрермендер орындаудың жоғары деңгейін атап өтіп, әртістердің қойылымдарын жылы қабылдады.