Болгария СІМ-де екіжақты ынтымақтастықты дамыту перспективалары талқыланды

София, 2026 жылғы 27 шілде – Қазақстанның Болгариядағы Елшісі Виктор Темірбаев Болгария Сыртқы істер министрінің орынбасары Иванка Ташевамен кездесті.

Кездесу барысында тараптар Қазақстан мен Болгария арасындағы қарым-қатынастардың қазіргі жай-күйі мен оларды одан әрі дамыту перспективаларын талқылап, екіжақты және көпжақты ынтымақтастықтың өзекті мәселелерін қарастырды. Сондай-ақ, халықаралық және өңірлік күн тәртібіндегі мәселелер, соның ішінде Қара теңіздегі сауда кеме қатынасының қауіпсіздігі бойынша пікір алмасу өтті.

Саяси диалогты одан әрі дамытуға, сауда-экономикалық және инвестициялық ынтымақтастықты кеңейтуге, мәдени байланыстарды нығайтуға және халықаралық ұйымдар аясындағы ынтымақтастықты одан әрі дамытуға ерекше назар аударылды.

Сұхбаттасушылар Қазақстан мен Болгария арасындағы әріптестікті одан әрі нығайтуға өзара қызығушылықтарын растап, екіжақты күн тәртібіндегі барлық мәселелер бойынша сындарлы диалогты жалғастыруға дайын екендіктерін білдірді.