Сеулде Орталық Азия елдері мен Корея Республикасының зерттеу орталықтары арасындағы ынтымақтастықтың жаңа форматы іске қосылды

Сеул, 2023 жылғы 20 қараша – ҚР Президенті жанындағы Қазақстандық стратегиялық зерттеулер институтының ғылыми хатшысы Әсел Назарбетованың қатысуымен Орталық Азия елдері мен Корея Республикасының зерттеу орталықтарының дөңгелек үстелі өтті.

Іс-шара барысында қатысушылар «Орталық Азия – Корея Республикасы» (ОАКР) ынтымақтастық форумы шеңберіндегі ынтымақтастық мәселелерін талқылады.

Іс-шарада Қазақстан Елшісі Нұрғали Арыстанов сөз сөйлеп, Орталық Азия елдері мен Корея Республикасы арасындағы саяси, экономикалық және мәдени-гуманитарлық байланыстарды нығайту мақсатында зерттеу орталықтары желісі бойынша өзара іс-қимылды жан-жақты дамытудың маңыздылығын ерекше атап өтті, сондай-ақ «Орталық Азия – Корея Республикасы» ынтымақтастық форумы аясындағы өңірлік ынтымақтастықтың үдемелі сипатын атап өтті.

Іс-шара қорытындысы бойынша тараптар қатысушы елдердің сыртқы саяси ведомстволары басшыларының шешіміне сәйкес Орталық Азия елдері мен Корея Республикасының зерттеу орталықтарының тұрақты форумын бастау туралы уағдаласты. Форум шеңберінде иалдау институттары осы форматта ынтымақтастықтың перспективалық бағыттары бойынша ұсынымдар мен ұсыныстар беретін болады. Дөңгелек үстелдің қорытынды құжаты ретінде талдау орталықтарының негізгі уағдаластықтары атап өтілген Бірлескен мәлемдеме қабылданды.