Қасым-Жомарт Тоқаев Қазақстан Республикасының Президенті болып сайланды

2022 жылғы 20 қарашада өткен ҚР Президенті сайлауының қорытындысы бойынша Қасым-Жомарт Тоқаев Қазақстан Республикасының Президенті болып сайланды. Қазақстан Республикасының сайланған Президенті Қасым-Жомарт Тоқаевтың ант беруі 2022 жылдың 26 ​​қарашасына жоспарланған.

ҚР Орталық сайлау комиссиясының мүшелері 2022 жылғы 20 қарашадағы кезектен тыс Президент сайлауының қорытындыларын анықтау туралы қаулы қабылдады.

«Орталық сайлау комиссиясы халық сайлаған Қасым-Жомарт Кемелұлы Тоқаевты Қазақстан Республикасының Президенті етіп тіркеп, заңда белгіленген тәртіппен сайланған Мемлекет басшысына тиісті куәлік тапсырды. Қазақстан Республикасының сайланған Президенті Қасым-Жомарт Тоқаевтың ант беруі 2022 жылдың 26 ​​қарашасына жоспарланған», - деді ОСК төрағасы Нұрлан Әбдіров.

Қасым-Жомарт Тоқаевқа 6 миллион 456 мың 393 сайлаушы, яғни салаушылардың 81,31% дауыс берді. «Барлығына қарсы» деген бағанды ​​460 мың 484 сайлаушы, яғни 5,8% таңдаған.

Басқа үміткерлерге келетін болсақ, Жигули Дайрабаев 271 мың 641 дауыс, немесе 3,42%, Қарақат Әбден – 206 мың немесе 2,6%, Мейрам Қажыкен – 200 мың 907 немесе 2,53%, Нұрлан Әуесбаев – 176 мың 116 немесе 2,22% және Салтанат Тұрсынбекова – 168 мың 731 немесе 2,12% дауыс жинады.