ПШАМЫК алаңында Орталық Азия елдері мен Кеңес арасындағы ынтымақтастық перспективалары талқыланды

2021 ж.13 қыркүйекте Парсы шығанағындағы араб мемлекеттерінің ынтымақтастық кеңесінің (ПШАМЫК) Бас хатшысы доктор Найефа аль-Хаджраф Орталық Азия (ОА) елдерінің Елшілерін қабылдады.

Кездесу барысында тараптар Орталық Азия елдері мен ПШАМЫК арасындағы өңіраралық ынтымақтастықты нығайту жолдарын, соның ішінде «С5-ПШАМЫК» диалог алаңын құру мәселелерін талқылады. Сонымен қатар, екіжақты, көпжақты және өңіраралық ынтымақтастықтың күн тәртібіндегі кең ауқымды мәселелер бойынша пікір алмасылды.

Осы ретте, ПШАМЫК Бас хатшысы Н.әл-Хаджар Кеңес пен ОА елдері арасындағы қарым-қатынастарды нығайтудың, сондай-ақ ортақ мүдделердің игілігі үшін ынтымақтастықтың барлық салаларын дамытудың маңыздылығын атап өтті.

Тараптар ОА және ПШАМЫК елдері арасындағы ынтымақтастықты жан-жақты кеңейту бойынша бірлесіп жұмыс істеуге уағдаласты.