Қазақстандық дипломаттар «SELGA» әлеуметтік көмек орталығының тәрбиеленушілерін келе жатқан Жаңа жылмен құттықтады

2022 жылғы 20 желтоқсанда Қазақстанның Латвиядағы Елшілігінің дипломаттары Вентспилс қалалық Думасы мен Вентспилс еркін портының өкілдерімен бірге Вентспилс қаласының «SELGA» балаларға әлеуметтік көмек көрсету орталығына барып қайтты.

Вентспилс қаласының «SELGA» балаларға әлеуметтік көмек көрсету орталығы 1992 жылы ата-анасыз қалған балалар мен жасөспірімдерге қамқоршылық көрсету үшін құрылды.

Орталық тәрбиеленушілеріне жаңа жылдық сыйлықтар мен арнайы Вентспилстік «Lemberga hūte» шаңғы кешеніне ваучерлер берілді.

Жаңа жыл қарсаңында мұндай қайырымдылық акциялар Латвиядағы қазақстандық дипломаттар үшін жақсы дәстүрге айналды.