Латвия Сеймінде Қазақстанмен диалогты нығайтуға ниетті

Рига, 2026 жылдың 8 қаңтары - Латвия Республикасының Сеймінде Қазақстан Республикасының Елшісі Дәурен Кәріповтің ҚР Парламентімен ынтымақтастық жөніндегі Сейм тобының жетекшісі, депутат Линда Лиепинамен кездесуі өтті.

Елші Қазақстан-Латвия ынтымақтастығының жай-күйі мен одан әрі даму перспективалары, ағымдағы жылға арналған алдағы бірлескен іс-шаралар кестесі туралы хабардар етті. Екі мемлекеттің заң шығарушы органдары арасындағы өзара іс-қимылды жандандыру мәселелеріне ерекше назар аударды.

Л.Лиепина өз кезегінде сауда-экономикалық ынтымақтастықты нығайту арқылы екіжақты қатынастарды тереңдетуге және кеңейтуге мүдделілігін растады. Қазақстан мен Латвияның парламентаралық өлшеміне жаңа серпін беру қажеттігін қолдады.