Қазақстан мен Марокко: 2026 жылы іскерлік серіктестіктің жаңа кезеңі

Соңғы екі апта Қазақстан-Марокко іскерлік кеңесінің алғашқы, тарихи отырысына дайындық аясында өте қарбалас болды. 2025 жылы құрылған Іскерлік Кеңес екі ел арасындағы бизнесті жақындатуға күшті серпін беруге бағытталған және қазір осы маңызды оқиға алдындағы соңғы кезеңдегі даярлау жұмыстары жүргізілуде. Касабланкада жетекші қазақстандық компаниялар Марокко бизнес қауымдастығымен бетпе-бет кездеседі.

Қазақстан елшісі С.Сайлауқызы Марокконың Әділет министрі Абделлатиф Уахбимен, Марокко Сыртқы істер министрлігінің саяси және экономикалық департаменттерінің директорлары Омар Кадиримен және Мохамед Белхаджбен, Халықаралық бизнеспен айналысатын Марокко әйелдері қауымдастығының (MOWAIB) төрайымымен Захра Маафири, Фес-Мекнес аймағының уалиі және Фес префектурасының губернаторы Халид Айт Талебпен, Марокконың минералды өнеркәсіп федерациясының президенті Мохамед Шеррамен, Парламент Кеңесшілер палатасының депутаты Фатима Загухпен, Diana Holding президенті Рита Мария Знибермен және Касабланка сауда-өнеркәсіп палатасының президенті Хасан Берканимен бірқатар жұмыс кездесулерін өткізді.

Басты мақсат - әрбір байланыс минералды тыңайтқыштар өндірісі, логистика, ауыл шаруашылығы, фармацевтика, IT-технологиялар, машина жасау және жаңартылатын энергетика сияқты салаларда нақты практикалық нәтижелерге қол жеткізуге ықпал етуі үшін B2B-кездесулерді егжей-тегжейлі үйлестіруді қамтамасыз ету. Тараптардың қызығушылығы нақты көрсеткіштермен расталады: Қазақстан мен Марокко арасындағы екіжақты тауар айналымы 460 млн АҚШ долларынан асып, 68%-ға өсті, бұл ретте одан әрі өсу әлеуеті айтарлықтай жоғары қала береді.

2025 жылы күніше енген өзара визасыз режим кәсіпкерлердің пайдасына жұмыс істейді, іссапарлардың логистикасын айтарлықтай жеңілдетеді және шешім қабылдауды үлес қосады. Касабланкадағы Іскерлік Кеңестің алғашқы отырысы бұл әлеуетті жаңа бірлескен кәсіпорындар мен ірі инвестициялық жобаларға айналдыруды мақсат етеді.