ИСЕСКО ұйымдастыруымен Алматы қаласындағы Әл-Фараби атындағы Қазақ Ұлттық университетінде «CanSat» үлгілік спутнигін жасау бойынша IV халықаралық оқу семинары мен аэроғарыш симпозиумы басталды

2025 жылғы 6 қыркүйекте Ислам әлемінің білім, ғылым және мәдениет ұйымының (ИСЕСКО) ұйымдастыруымен Алматы қаласындағы Әл-Фараби атындағы Қазақ Ұлттық университетінде «CanSat» үлгілік спутнигін жасау бойынша IV халықаралық оқу семинары мен аэроғарыш симпозиумы басталды. Аталған шара аясында ИСЕСКО-ға 11 мүше мемлекеттің студенттік командалары оқу спутниктерін – дрон (200 м дейін) немесе зымыран (700 м дейін) арқылы ұшырылатын шағын спутниктерді жобалау, жинау және ұшыру бойынша тәжірибелік оқу семинарынан өтеді.