Прага, 2024 жылғы 25 наурыз – Қазақстанның Чехиядағы Елшілігі Астана-Прага бағыты бойынша тікелей әуе қатынасының алдағы ашылуына арналған бизнес-семинарға қатысты. Прага қаласының әуежайы мен «SCAT» әуекомпаниясы ұйымдастырған іс-шараға Чехияның «CzechTourism» туризмді ілгерілету агенттігінің, жергілікті туроператорларының, әуе билеттерін сату агенттіктерінің өкілдері қатысты. Сөз сөйлеу барысында ұйымдастырушылар қатысушыларға рейс 2024 жылғы 22 мамырдан бастап аптасына 2 рет жиілікпен жұмыс істей бастайтынын хабарлады. Ұшуларды Boeing 737-800 және Boeing 737 MAX 8 ұшақтары орындайды.
Өз кезегінде Елшілік Қазақстанның туристік мүмкіндіктері тақырыбында презентация ұсынды. Атап айтқанда, қатысушылар еліміздің негізгі географиялық сипаттамаларымен, тарихи және мәдени сипаттағы негізгі көрікті жерлерімен, сондай-ақ табиғи ландшафттардың алуан түрлілігімен танысты. Чех туристерін қызықтыратын көптеген бағыттар ұсынылды, соның ішінде экологиялық, экстремалды, гастрономиялық, этнотуризм және т. б. Осы тұрғыда жергілікті туроператорларға биыл қыркүйекте Астанада өтетін 5-ші Көшпенділердің халықаралық ойындары туралы ақпарат берілді.
Іс-шара Чехияның туристік саласы өкілдерінің қызығушылығын тудырды. Жалпы Орталық Азия өңірі, және Қазақстан атап айтқанда, чех туристері арасында түрлі-түсті, дәм мен жарқын әсерлерді тартатын «жақын экзотиканың» жаңа бағыты ретінде танымалдылыққа ие болуда.