Қазақстандық ғалымдар Чех Республикасының ғылыми және музей мекемелеріне жұмыс сапарымен барды

2025 жылғы 27–31 мамыр аралығында Чех Республикасына жасалған жұмыс сапары аясында қазақстандық ғалымдар — академик В.И. Вернадский атындағы Қордың директоры Абай Найманов және Сәкен Сейфуллин музейінің директоры, тарих ғылымдарының докторы, профессор Марат Әбсеметов — Қазақстан мен Чехия арасындағы қатынастар тарихына арналған ғылыми басылымды даярлау мақсатында елдің жетекші ғылыми және музей мекемелеріне бірқатар сапарлар жасады.

Чех Республикасының Ұлттық кітапханасына барған кезде Қазақстан аумағына қатысты тарихи карталарды цифрландыруды қоса алғанда, архивтік және библиографиялық материалдарды жинау жұмыстары жүргізілді, сондай-ақ қызметі Қазақстанмен байланысты болған чех қоғам және ғылым қайраткерлері туралы дереккөздер зерттелді.

Қазақстандық делегация Чех Республикасының Әскери-тарихи институты мен Әскери-тарихи архивінде болып, Қазақстан мен Чехия арасындағы тарихи өзара байланыстарды зерделеу тұрғысынан ғылыми және мәдени маңызы бар құжаттармен танысты.

Сапар бағдарламасы аясында Липнице-над-Сазава қаласындағы Ярослав Гашек атындағы үй-музейге, сондай-ақ Кладно қаласындағы Кіші Азия музейіне бару ұйымдастырылды. Аталған мекемелердің экспозициялары мен қорлары пәнаралық зерттеулерді дамыту және ғылыми ынтымақтастықты кеңейту тұрғысынан қызығушылық тудырады.

Жұмыс сапары барысында чех ғылыми, академиялық және музей қауымдастығы өкілдерімен жұмыс байланыстары орнатылды, бұл болашақта ақпарат алмасу мен бірлескен зерттеу бастамаларын іске асыруға негіз қалайды.

Чех Республикасына жасалған жұмыс сапарының қорытындысы бойынша анықталған архивтік және музей материалдарын пайдалана отырып, Қазақстан мен Чехия арасындағы қатынастардың тарихы мен дамуына арналған ғылыми еңбекті даярлау және басып шығару жоспарланып отыр.