Француз институтының президентімен кездесу туралы

Париж, 2026 жылғы 19 қаңтар - Қазақстанның Франциядағы Елшісі Гүлсара Арыстанқұлова Француз институтының президенті Ева Нгуен Бинмен кездесу өткізді. 

Сұхбат барысында мәдениет пен өнер саласындағы екіжақты ынтымақтастықтың перспективалық бағыттары, сондай-ақ екі ел арасындағы мәдени диалогты кеңейту мүмкіндіктері талқыланды. 

Тараптар өзара іс-қимылдың әлеуетін атап өтіп, басым бағыттар бойынша ынтымақтастықты дамыту ниетін білдірді.

Француз институты (Institut français) – Францияның Сыртқы істер және Мәдениет министрліктеріне бірдей қарасты, француз тілі мен мәдениетін шетелде ілгерілетуге, сондай-ақ халықаралық мәдени ынтымақтастықты дамытуға жауапты мемлекеттік мекеме.