Жаңа паспортты ресімдеуге келесі санаттағы ҚР азаматтары өтініш білдіре алады:
1) Қазақстан Республикасынан тыс жерделерде тұрақты тұратын (паспортта «Канадаға тұрақты тұруға кетуге рұқсат» деген белгі немесе Қазақстан Республикасының көші-қон полициясы берген хабарлама болуы керек);
2) шет мемлекеттердің аумағында орналасқан оқу орындарында күндізгі оқыту нысаны бойынша білім алатын;
3) шет мемлекеттерде еңбек шарты бойынша жұмыс істейтін;
4) көрсетілген адамдармен бірге тұратын отбасы мүшелеріне;
5) жасының егде тартуына байланысты өзіне-өзі күтім жасауға қабілетсіз адамдарға (қарттар) және тыныс-тіршілігін шектейтін тұрақты ағза функцияларының ауытқуларымен денсаулығында бұзушылық бар адамдар.
• Мемлекеттік қызметті алу үшін өтініш білдіруші жеке өзі (балалар мен сот әрекетке қабілетсіз деп таныған азаматтар, олардың заңды өкілдері (ата-аналары, қорғаншылары, қамқоршылары өкілдік етуге өкілеттігін растайтын құжаттарды ұсына отырып) келесі құжаттарды 2 данада ұсынуы қажет (түпнұсқа және әрбір құжаттың көшірмесі):
1) өтініш;
2) толтырылған формуляр (барлық бағандар бойынша толық ақпарат берілуі тиіс);
3) Қазақстан Республикасы азаматының паспорты (паспортты ауыстырған кезде);
4) өлшемі 3,5х4,5 сантиметр ақ фонда жасалған түрлі-түсті төрт фотосурет;
5) келесі құжаттардың біреуі (жасының егде тартуына байланысты өзіне-өзі күтім жасауға қабілетсіз адамдардан (қарттар) басқа):
- Канаданың тұрақты тұрғыны картасының көшірмесі және паспорттағы «Канадаға тұрақты тұруға кетуге рұқсат етілген» белгісінің көшірмесі немесе Қазақстан Республикасының көші-қон полициясы берген хабарлама;
- Канадада оқу орнымен берілген күндізгі оқыту нысаны бойынша білім алатынын растайтын анықтама (қазақ немесе орыс тіліне нотариалды куәландырылған аудармасымын);
- Канадада жұмыс істеуге рұқсаттың көшірмесі және қазақ немесе орыс тіліне нотариалды куәландырылған аудармасы жасалған еңбек шартының көшірмесі;
- тыныс-тіршілігін шектейтін тұрақты ағза функцияларының ауытқуларымен денсаулығында бұзушылық бар деген құжат;
6) Канаданың өкілетті органдарымен берілген Канаданың азаматтығын алмағаны туралы анықтаманы (қазақ немесе орыс тіліне нотариалды аударылған және консулдық заңдастырудан өткен) (Канадада тұрақты тұрғын мәртебесіне ие және болу елінде 3 жылдан артық уақыт тұрып жатқан азаматтар үшін);
7) консулдық алым - 100 АҚШ доллары көлемінде ҚР Канададағы Елшілігінің атына берілген money order.
• Қажет болған жағдайларда өтініш білдірушіден келесі қосымша құжаттар талап етілуі мүмкін:
- Туу туралы куәлік (16 жасқа толмаған бала паспорт алған кезде) және баланың азаматтығын растау үшін ата-анасының біреуінің жеке басын куәландыратын құжат;
- Шетелдік ата-анасынан баланың Қазақстан Республикасы азаматының жеке басын куәландыратын құжаттарды алуға нотариалды расталған өтініш-келісімі (бала Қазақстан Республикасынан тыс жерде туған және ата-анасының азаматтығы әртүрлі болған жағдайда, олардың біреуі бала туған кезде Қазақстан Республикасының азаматтығында болған және осы уақытта ата-анасының екеуі де Қазақстан Республикасынан тыс жерде тұрақты тұрғылықты жері болған жағдайда);
- Тегіне, атына, әкесінің атына өзгерту енгізілген жағдайда ҚР өкілетті органдарымен берілген растайтын құжаттың көшірмесі;
- Жоғалтылған паспорттың орнына жаңа паспорт ресімделген жағдайда қазақ немесе орыс тіліне аударылған полиция қызметінің анықтамасы (Police Report);
- Ескі паспортта жарамды виза болған жағдайда паспортты визаның мерзімі біткенге дейін қалдыруға болады. Ол үшін еркін түрде жазылған өтініш және жарамды виза жапсырылған паспорт бетінің көшірмесі ұсынылу қажет.
• Паспортты ресімдеу мерзімі 3 айға дейінгі уақытты құрайды.
• Поштамен жолданған құжаттар қарастырылмайды.