Норвегия Корольдігінде Наурыз мейрамы атап өтілді

2026 жылғы 21–22 наурыз аралығында Норвегияның батыс жағалауындағы Ставангер және Берген қалаларында Наурыз мейрамына арналған мерекелік іс-шаралар өтті.

 

Іс-шара барысында қонақтарға қазақ халқының мәдениеті мен дәстүрлері, ұлттық тағамдар, соның ішінде «Наурыз көже», сондай-ақ Қазақстан, оның тарихы және Наурыз мейрамының маңызы туралы ақпарат ұсынылды. Мерекеге қазақстандық диаспора өкілдерімен қатар жергілікті тұрғындар да қызығушылық танытты.

 

Мерекелік іс-шаралар жылы әрі достық ортада өтіп, қонақтарды ортақ құндылықтар мен дәстүрлер төңірегінде біріктіріп, қатысушыларға Қазақстан мәдениеті туралы жағымды әсер қалдырды.