Омбы педагогикалық колледжінде Мағжан Жұмабаев атындағы шәкіртақы тағайындалды

Омбы педагогикалық колледжінде көрнекті ақын, ағартушы және қоғам қайраткері Мағжан Жұмабаев атындағы шәкіртақыны тапсыруға арналған салтанатты іс-шара өтті. Жобаның бастамашысы – Омбы облысы Үкіметінің қолдауымен құрылған «Ш.Уәлиханов атындағы Орыс-қазақ достығы орталығы».

Іс-шараға Қазақстан Республикасының Омбы қаласындағы Бас консулдығының дипломаттары, сондай-ақ Қазақстан Республикасының Солтүстік Қазақстан облысы бойынша Қазақстан халқы Ассамблеясының ғылыми-сараптамалық тобының төрайымы Сауле Кәлеенқызы Сүлейменова қатысты.

Салтанат М.Жұмабаевтың есімі берілген ескерткіш тақтаға гүл шоғын қоюмен басталды. Бағдарлама концерттік нөмірлермен жалғасып, қоғамдық ұйымдар мен шығармашылық ұжымдар қазақ және орыс халықтарының ұлттық әндері мен билерін орындады.

Өз сөздерінде М.Жұмабаев атындағы шәкіртақының тағайындалуы Қазақстан мен Ресей арасындағы достық пен мәдени ынтымақтастықтың айқын көрінісі екенін атап өтті. Мұндай бастамалар ортақ тарихи мұраны сақтау мен жастарды екі халықтың мәдениеті мен дәстүріне құрмет рухында тәрбиелеуге ықпал етеді.

Іс-шара жылы әрі достық атмосферада өтті. Ол Қазақстан мен Ресей халықтарының рухани және мәдени құндылықтармен біріктірілген берік байланысының тағы бір дәлелі болды.