Қазақстан мен Оман Іскерлік клубын құрды

Қазақстанның Сыртқы сауда палатасы мен Оманның Сауда және өнеркәсіп палатасы арасында онлайн кездесу өтті.

Тараптар екі ел арасындағы сауда-экономикалық және инвестициялық ынтымақтастықты одан әрі дамыту жолдарын талқылады. Кездесу шеңберінде Қазақстан-Оман Іскерлік клубы құрылды.

Аталған Іскерлік клубтың күн тәртібінде экономикалық ынтымақтастықты дамыту мақсатында мұнай-газ, тау-кен, ауылшаруашылық, машина құрастыру, көлік және логистика салаларындағы нақты жобалар қарастырылатын болады.

Сонымен қатар, кездесудің қорытындылары бойынша тараптар 2021 жылдың ІІ жартыжылдығында бизнес-форум өткізуге келісті.