Ресейдегі қазақстандықтар Мәжіліс сайлауына қалай қатыса алады

Сайлау учаскесі Мәскеу уақытымен сағат 07.00 – 20.00 аралығында жұмыс істейді. Мекенжайы: Мәскеу қаласы, Чистопрудный бульвар, 3 "А" (ҚР Елшілігінің ғимараты).

Сайлаушылар тізіміне тіркелу үшін РФ-дағы ҚР Елшілігінің консулдық есебіне тұруға кеңес беріледі. Сұрақтар туындаған жағдайда жұмыс күндері шұғыл желі нөміріне +7 (925) 897 71 14 (#1 ішкі нөмір) хабарласуға болады.

Мәскеуден бөлек, Қазақстан Республикасының Бас консулдықтары жанында ашылатын сайлау учаскелерінде дауыс беруге болады:

Санкт-Петербург қаласы – Рылеева көшесі, 10 үй, сайлау учаскесі нөмірі 290, сайт http://gov.kz/memleket/entities/mfa-s-petersburg?lang=ru

Қазан қаласы – Карл Маркс көшесі, 8/13 үй, сайлау учаскесі нөмірі 301, сайт http://kzkazan.ru/ru

Астрахань қаласы – Акварельная көшесі, 2Б үй, сайлау учаскесі нөмірі 291, сайт www.gov.kz/memleket/entities/mfa-astrakhan?lang=ru

Омбы қаласы – Шоқан Уәлиханов көшесі, 9 үй, сайлау учаскесі нөмірі 292, сайт www.kz-omsk.ru

Сайлау учаскесіне келгенде өзіңізбен бірге ҚР азаматының жеке куәлігі немесе паспорты болуы керек. Ағымдағы эпидемиологиялық ахуалды ескере отырып, маскалық режим мен әлеуметтік ара-қашықтықты сақтау қажет.