ҚР РФ Елшісі Д. Абаев Орынбор облысы губернаторының уақытша міндетін атқарушы Е. Солнцевпен кездесті

XXVIII Петербург халықаралық экономикалық форум алаңында Қазақстанның Ресейдегі Елшісі Дәурен Абаев Орынбор облысы губернаторының уақытша міндетін атқарушы Евгений Солнцевпен кездесті.

Орынбор облысы екі елдің өңіраралық өзара іс-қимылында ерекше орын алады, өйткені ол Қазақстан-Ресей шекарасының 1876 шақырымды құрайтын ең ұзын бөлігін алып жатыр.

Тараптар сауда-экономикалық ынтымақтастықтың оң динамикасын атап өтті. 2024 жылдың қорытындысы бойынша өңірдің сыртқы сауда айналымындағы Қазақстанның үлесі шамамен 22% - ды құраған.  Облыстың 170-тен астам кәсіпорындары Қазақстанға өз өнімдерін жеткізуді жүзеге асырады. Орынбор облысында қазақстандық капиталдың қатысуымен 50-ден астам кәсіпорын тіркелген.

Сауда-экономикалық ынтымақтастықтың жоғары деңгейін ескере отырып, Д.Абаев өзара бизнес-миссиялар ұйымдастыруды, жеткізілімдерді әртараптандыру бойынша жұмыс жүргізуді және екі жақта коммерциялық компаниялардың өкілдіктерін ашуды ұсынды. Сондай-ақ, ол көлік-логистика саласында бірлескен жобаларды жүзеге асыруды құптайтынын айтты.

Сонымен қатар, транзиттік әлеуетті, «Батыс Еуропа - Батыс Қытай» халықаралық транзит дәлізін бірлесіп дамыту мәселелері талқыланды.

Келіссөздер барысында мәдени-гуманитарлық мәселелер де қозғалды.

Ынтымақтастықтың маңызды бағыттарының бірі білім беру саласы болып табылады. Орынбор облысында 1,5 мыңға жуық қазақстандық студент оқиды.

Өңірдегі қазақ қауымы - маңызды байланыстырушы буын. Облыстағы қазақтардың саны 120 мың адамнан асады (барлық этностар арасында үшінші орын және облыстың жалпы халқының 6%). Елші отандастардың ана тілін үйренуге және өз дәстүрлерін сақтауға деген ұмтылысына көрсетілетін қолдауға ризашылығын білдірді.