10 тамызда Қазақстанда Абай күні атап өтіледі

Бұл мереке Ұлы ойшыл, ақын, қазіргі қазақ әдебиетінің негізін қалаушы, композитор және ағартушы Абай Құнанбаевқа (1845 – 1904 жж.) арналған.

Қазақстанда Абайды бәрі біледі. Ол - ұлттық мәдениеттің альфа және омегасы, оның ойлары мен шығармашылығы үшінші ғасырда әлі де заманауи және өзекті болып қала береді.

Абай шығармалары жүзден астам тілге, соның ішінде беларусь тіліне аударылған. 2011 жылы Қазақстанның Беларусьтегі Елшілігінің бастамасымен Абайдың өлеңдер жинағы жарық көрді. Оны белорус тіліне тамаша поэтикалық сөз шебері Николай Метлицкий аударды. 2021 жылы белгілі ақын, прозашы, тілтанушы және публицист Михаил Поздняков Елшіліктің бастамасымен белорус тіліне төрт томдық романды - Мұхтар Әуезовтің «Абай жолы» эпопеясын аударды.

Абайдың өмірі, оның шабыттандыратын өлеңдері және әндері Қазақстанның даласы мен тауларынан, мәдениетінен ажырамайтын мұра. Абайдың «Қара сөздері» адамгершілік бағдары болып, Қазақ ұлттық кодының бір бөлігіне айналды. Ақынның әндері мен әуендері әлі күнге дейін танымал.

Музыка қазақ мәдениетінде ерекше орын алады. Қазақстанның дарынды MEZZО тобының орындауындағы Абайдың «Көзімнің қарасы» әнін тыңдасаңыз, оны сезіне аласыз…