Қазақстан кинематографистер лигасы Беларуське сапармен келді. Могилевте қазақстандық режиссер Гүлшат Смағұлованың «Шатырдағы екеу» фильмінің премьералық көрсетілімі өтті

Минск, Могилев, 2025 жылғы 14-18 шілде – Қазақстан кинематографистер лигасының басқарма Төрағасы Айдар Баталов, оның орынбасары Олжас Асқаров, продюсер Алан Әбдібаев және режиссер Гүлшат Смағұлова Беларуське келді.

Минскіде Қазақстан өкілдері Беларусь киноқоғамымен («Беларусьфильм» киностудиясы, Беларусь Кинематографистер одағы, кинодистрибьютерлер және т.б.) кездесіп, кинофильмдердің бірлескен өндірісіндегі ынтымақтастық мәселелерін талқылады. Сонымен бірге, түсірілім орындарына, заттай объектілерге, техникаға шолу жасады. Іссапар барысында Қазақстан кинематографистер лигасы мен Беларусь Республикасының Кинематографистер одағы арасындағы ынтымақтастық туралы Меморандумға қол қойылды.

Могилевте Қазақстан кинематографистер лигасы мен Могилев «Киновидеопрокат» өндірістік унитарлық кәсіпорны арасындағы ынтымақтастық туралы Меморандумға қол қойылды. Тараптар кинопрокат, киноөндіріс, кино, білім беру және креативті индустрия саласында байланыс орнатуға келісті.

17 шілдеде Могилевте қазақстандық делегация қазақстандық режиссер Гүлшат Смағұлованың «Шатырдағы екеу» фильмінің премьералық көрсетілімін сәтті өткізді. Дебюттік фильм екі ерекше адамның достығы туралы, әлеуметтік бейімделу мен инклюзияның маңызды мәселелерін көтереді. Көргеннен кейін режиссер көрермендердің сұрақтарына жауап беріп, фильм түсіру идеясымен, оның жолындағы қиындықтар мен шабытпен бөлісті, болашақ жоспарлар туралы айтты.