Барша қазақстандықтарды Қазақстан Республикасының Мемлекеттік рәміздері күнімен құттықтаймыз!

4 маусымда Қазақстанда маңызды мемлекеттік мерекелердің бірі - Қазақстан Республикасының Мемлекеттік рәміздері күні атап өтіледі. Осыдан 33 жыл бұрын тәуелсіз мемлекеттің егемендігінің, бостандығы мен бірегейлігінің ажырамас белгілері ретінде Елтаңба, Ту және Әнұран бекітілді.

Мемлекеттік рәміздер тек ресми атрибуттар емес. Бұл миллиондаған қазақстандықтарды біріктіретін, ұлы елге қатыстылық сезімін нығайтатын және ұрпақтар сабақтастығын беретін көрнекі және дыбыстық бейнелер.