Қазақстанның Беларусьтегі Елшісі Тимур Жақсылықов Могилев облысына барды.

Могилев облысы, 2025 жылғы 27-28 мамыр – Қазақ-белорус аймақаралық байланыстарын кеңейту аясында Қазақстанның Беларусьтегі Елшісі Тимур Жақсылықов Могилев облысына барды.

27 мамырда Бобруйскіде Бобруй қалалық Атқарушы комитетінің Төрағасы Максим Гуринмен кездесу өтті. Оның барысында тараптар сауда-экономикалық ынтымақтастықты дамыту перспективаларын талқылады. Сапар аясында Елші «Белшина» және «Бобруйскагромаш» кәсіпорындарына барып, олардың өндірістік қуаттылықтарымен танысып, Қазақстанмен өзара тиімді әріптестікті кеңейту туралы жергілікті компаниялар басшылығымен келіссөздер жүргізді.

28 мамырда Елшінің Могилев облыстық Атқарушы комитетінің Төрағасы Анатолий Исаченкомен жұмыс кездесуі өтті.

Келіссөздер барысында тараптар сауда-экономикалық, инвестициялық және мәдени-гуманитарлық өзара іс-қимылды қоса алғанда, Қазақстан мен Могилев облысы арасындағы ынтымақтастықтың негізгі бағыттарын талқылады. Өнеркәсіптік сектор мен агроөнеркәсіптік кешендегі серіктестікті дамытуға басты назар аударылды.

Кездесудің маңызды қорытындысы бірлескен жобаларды іске асыру бойынша нақты қадамдарды айқындайтын 2025-2027 жылдарға арналған «Жол картасына» жақын арада қол қою туралы уағдаластық болды.  

Елші өңірдің негізгі өнеркәсіптік кәсіпорындары – «Могилевлифтмаш», «Моготекс» және «Технолит» қызметтерімен танысып, компания басшылығымен машина жасау, тоқыма өндірісі және жоғары технологиялық металл өңдеу саласындағы ынтымақтастық перспективаларын талқылады.

Сапар аясында Елші Могилевтің Тұрғын үй тарихи кешені-мұражайы мен тарих мұражайына барып, өлкенің ғасырлар бойғы тарихын бейнелейтін бірегей экспозициялармен танысты.