Қазақстан Республикасының азаматтығынан шығу

Құрметті азаматтар!

Қазақстан Республикасынан тыс жерде тұрақты тұратын Қазақстан Республикасының азаматы шет елдердегі мекемелер арқылы азаматтықтан шығу туралы өтінішіне қосымша мынадай құжаттарды ұсынады:

1. Сауалнама-өтініш;
2. Өмiрбаян (өз қолымен жазылған);
3. 4 дана - 3,5 х 4,5 көлемінде фотосурет;
4. Қазақстан Республикасының ішкі істер органдары ресімдеген шетелге тұрақты тұру үшін шығуға рұқсат (ҚР азаматының паспортында ТТЖ-ға шығу туралы мөртабан/ҚР-дан мекенжайға кету парағы);
5. Соттылығының болуы немесе болмауы туралы анықтама;
6. 6. Балаларының туу туралы және неке қию туралы куәлiктерінің көшiрмелерi (бар болған жағдайда);
7. Шетелдік азаматтықты алу мүмкіндігін растайтын құжат;
8. 8. Өтiнiш берушiнiң Қазақстан Республикасында тұратын жұбайының немесе оның асырауындағы адамдардың өзіне нотариалды куәландырылған Қазақстан Республикасының азаматтығынан шығуға келісімі және материалдық және өзге де талаптардың жоқ екендiгi туралы өтiнiш-келісімі немесе олардың қайтыс болғаны туралы, азаматтың қайтыс болуы немесе хабарсыз кеткені туралы сот шешімінің көшірмелері;
9. Консулдық алымның төленгенi туралы құжат-150 АҚШ доллары;

 

      18 жасқа толмаған, сондай-ақ қабілеті жоқ деп танылған адамдарға қатысты азаматтық мәселелері жөніндегі өтініштер олардың нотариалды куәландырылған заңды өкілдерінің өтініштері бойынша, басқа мемлекеттерде –баланың тууы туралы куәлігінің көшірмесі (асырап алушылар, қорғаншылар және қамқоршылар Қазақстан Республикасының жергілікті атқару органы шешімінің көшірмесін тапсырады) не іс-әрекетке қабілетсіз адамның жеке басын куәландыратын құжатпен бірге, шет елдердегі мекемелер куәландырған өтініш бойынша қаралады.

      14 жастан 18 жасқа дейінгі баланың азаматтығын өзгерту мәселесі жөніндегі өтінішті ұсынған жағдайда, оның нотариалды куәландырылған, басқа мемлекеттерде – шет елдегі мекеме куәландырған жазбаша түрде білдірген келісімі қажет.

 

Сауалнама-өтініште көрсетілген деректерді салыстыру үшін жақын туысының (ата-анасы (ата-анасы), балалары, бала асырап алушылары, асырап алынған балалары, ата-анасы бір және ата-анасы бөлек аға-інілері мен апа-сіңлілері (қарындастары), әжелері мен аталары) жеке басын куәландыратын құжатты / олардың қайтыс болғаны туралы куәлікті/азаматты қайтыс болды немесе хабар-ошарсыз кетті деп тану туралы сот шешімін (әрқайсысына көшірмесі) ұсыну қажет.

Төлем банкте төлем жолдамасы бойынша, құжаттардың толық пакеті ұсынылғаннан кейін ғана жүргізіледі.