Меню
1968 жылы 17 қыркүйекте Шығыс Қазақстан облысында дүниеге келген. 1993 жылы М.Ломоносов атындағы Мәскеу мемлекеттік университетін тарихшы мамандығы бойынша, содан кейін 1997 жылы Страсбург саяси зерттеулер институтының (Франция) магистратурасын бітіріп, 2003 жылы Қазақ қаржы-экономикалық институтын «экономика» мамандығы бойынша тәмәмдады.
Еңбек жолын 1985 жылы Шығыс Қазақстан геологиялық басқармасының 2-разрядты жұмысшысы қызметінен бастаған.
1993-1996 жылдары Семей бизнес және кәсіпкерлік институтының атқарушы ректор лауазымында болды.
1997-1998 жылдары Қазақстан Республикасы Стратегиялық жоспарлау және реформалар агенттігінің бас маманы, бөлім басшысы қызметтерін атқарды.
1998 жылы Қазақстан Республикасы Президенті Әкімшілігінің құрылымына ауысады, онда ҚР Президенті Әкімшілігінің сектор меңгерушісі және бөлім меңгерушісі лауазымында жұмыс істеді.
2003-2004 жылдары ҚР Индустрия және сауда министрлігінің Дүниежүзілік сауда ұйымына кіру департаментінің директоры лауазымына тағайындалды.
2004-2005 жылдары – ҚР Индустрия және сауда министрлігінің Женева қаласындағы (Швейцария) ДСҰ мәселелері жөніндегі өкілі болды. Әрі қарай Швейцария Конфедерациясындағы ҚР Тұрақты өкілдігінің бірінші хатшысы болып жұмыс істеді.
2006 жылы ҚР Экономика және бюджеттік жоспарлау министрлігінің «Экономикалық зерттеулер институты» РМК бас директоры болып тағайындалды.
2006-2007 жылдары – Астана қаласы әкімі аппаратының «Астананы тұрақты дамыту орталығы» МКК директоры.
2007-2008 жылдары – Астана қаласы Экономика және бюджеттік жоспарлау департаментінің директоры.
2008-2009 жылдар – Астана қаласы әкімінің орынбасары.
2009-2010 жылдары – Қазақстан Республикасының Индустрия және сауда вице-министрі.
2010 ж. – ҚР Индустрия және жаңа технологиялар министрлігінің Инвестициялар комитетінің төрағасы.
2010-2012 жылдары – «Қазақстанның инвестициялық қоры» АҚ Басқарма төрағасы.
2012-2017 жылдары – ҚР Экономикалық даму және сауда, Ұлттық экономика вице-министрі.
2017-2018 жылдары – Экономика және қаржы саясаты жөніндегі Еуразиялық экономикалық комиссия алқасының мүшесі (министр) (Мәскеу қ.).
2018 ж. – Қазақстан Республикасы Президентінің көмекшісі.
2018-2021 жылдары – Экономика және қаржы саясаты жөніндегі Еуразиялық экономикалық комиссия алқасының мүшесі (Министр) (Мәскеу қ.).
2021-2024 жылдары - Қазақстан Республикасының Ұлттық экономика бірінші вице-министрі.
2024 жылғы 4 маусымда Қазақстан Республикасы Президентінің Жарлығымен Қазақстан Республикасының Беларусь Республикасындағы Төтенше және Өкілетті Елшісі, ТМД-ның жарғылық органдары жанындағы Тұрақты өкілі болып тағайындалды.
Ағылшын және француз тілдерін меңгерген.