Қазақ тарапы Қамқорлық көрсететін тұлғаларды қолдау жөніндегі жаһандық форумға қатысты

Мадрид, 2026 ж. 16 қаңтар. Қазақстан Республикасы Денсаулық сақтау вице-министрі Ә.Рустемова Испания Корольдігіне жұмыс сапары аясында Қамқорлық көрсететін тұлғаларды қолдау жөніндегі жаһандық форумға қатысты.

Форум Дүниежүзілік денсаулық сақтау ұйымы мен ЮНИСЕФ ұйымдастыруымен, Испания Корольдігінің қолдауымен өтті және оған 30-дан астам елдің үкіметтері мен халықаралық ұйымдарының өкілдері қатысты. Форумның ресми ашылуына Испания патшайымы Летисия және ДДСҰ Бас директоры Тедрос Гебрейесус қатысты.

Халықаралық іс-шара ата-аналарды, қамқоршыларды және күтім көрсететін тұлғаларды қолдау мәселелеріне, сондай-ақ күтім еңбегін әлеуметтік және медициналық саясаттың маңызды құрамдас бөлігі ретінде тануға арналды. Қазақ делегациясы тақырыптық сессияларға қатысып, «Болашаққа көзқарас және келесі қадамдар» пленарлық отырысында сөз сөйледі. Онда балалар денсаулығын қорғау мен отбасыларды қолдаудағы мемлекеттік саясаттың басымдықтары ұсынылып, алғашқы медициналық-санитариялық көмектің (МСАК) тұрақты денсаулық сақтау жүйесіндегі шешуші рөлі атап өтілді.

Сапар аясында Елшіліктің ұйымдастыруымен А. Рустемованың Испания Денсаулық сақтау министрлігінің Мемлекеттік хатшысы Хавьер Падилья Бернальдеспен кездесуі өтті. Кездесуде МСАК-ты нығайту және денсаулық сақтауды цифрландыру салаларындағы ынтымақтастық перспективалары талқыланды. Испан тарапы Қазақстанның ПМСП бойынша Глобалдық коалиция құру бастамасын оң бағалап, оған қосылу мүмкіндігін қарастыруға дайын екенін білдірді.