Киевте Халықаралық Бірлік күні атап өтілді

Киев, 2026 жылғы 1 мамыр – Сальвадор Дали атындағы заманауи өнер Арт Академиясы мен көркемсурет колледжі базасында 15 елдің өкілдерін біріктірген Халықаралық Бірлік күні өтті.

Іс-шараны «Интернационалдық Одақ» халықаралық қоғамдық ұйымы Арт Академиясымен бірлесіп, дипломатиялық корпус қолдауымен ұйымдастырды. Іс-шараның өткізілу күні символдық мәнге ие – 1 мамырда Қазақстан Республикасында Қазақстан халқының бірлігі күні атап өтіледі. Бұл мереке ұлтаралық келісімге, бейбітшілік пен халықтар арасындағы достыққа арналған. Аталған идея фестивальдің тұжырымдамасының негізіне айналып, оны мәдени алмасу, шығармашылық көрсетілімдер және мәдениетаралық диалог алаңына айналдырды. Бағдарлама аясында концерттік қойылымдар, мәдени таныстырылымдар және шеберлік сағаттары өтті, соның ішінде бауырсақ дайындау бойынша шеберлік сағаты ұйымдастырылды. Қонақтар сондай-ақ қазақтың дәстүрлі тағамдарымен танысып, ірімшік, құрт және жент сияқты ұлттық дәмдерден ауыз тиді. Сонымен қатар, мәдени-ағартушылық бастама жүзеге асырылды, мекеме кітапханасына кітаптар табысталды. Қорға «Қазақ халық ертегілері» және «Тарас Шевченконың Қазақстандағы шығармашылығы» атты басылымдар берілді. Бұл мәдени байланыстарды нығайтуға және білім беру ортасын дамытуға қосылған үлес болды.