Қазақстан мен Украина әлеуметтік саладағы ынтымақтастықты дамытуда

Киев, 2026 жылғы 19 наурыз – Қазақстан Республикасының Украинадағы Елшісі Төлежан Барлыбаев Украинаның Әлеуметтік саясат, отбасы және бірлік министрінің бірінші орынбасары Людмила Шемелинецпен кездесу өткізді.

Келіссөздер барысында әлеуметтік және гуманитарлық салалардағы екіжақты өзара іс-қимыл мәселелері бойынша пікір алмасу өтті. Ана мен баланы қолдау бойынша бірлескен қайырымдылық жобаларының, мысалы, Киевтегі және Украинаның басқа да қалаларындағы «Аналар үйі», «Достық ас үйі», балалар әдебиетінің, ертегілердің және басқа да басылымдарының маңыздылығы атап өтілді.

Тараптар Қазақстан мен Украина халықтары арасындағы дәстүрлі достық қарым-қатынастарды нығайтуға қызығушылықты растады. Кездесудің қорытындысы бойынша ағымдағы жылы бірқатар әлеуметтік-гуманитарлық жобаларды іске асыру жөнінде уағдаластықтарға қол жеткізілді.