Қазақстан Біріккен Ұлттар Ұйымының Қарусыздану жөніндегі комиссиясында өз төрағалығын сәтті аяқтады

2023 жылғы 21 сәуір, Нью-Йорк қаласы - Қазақстан Біріккен Ұлттар Ұйымының Қарусыздану жөніндегі комиссиясының жыл сайынғы сессиясында Қазақстан өз төрағалығын сәтті аяқтады.

Ағымдағы сессия БҰҰ Қарусыздану комиссиясының үш жылдық жұмыс циклін қорытындылады.

Қазақстан Республикасының БҰҰ жанындағы Тұрақты өкілі Ақан Рахметуллиннің төрағалығымен Комиссия 2017 жылдан бері алғаш рет ғарыш кеңістігінде қарулану жарысын алдын алу саласындағы сенім мен ашықтық шараларын іс жүзінде жүзеге асыру бойынша ұсынымдар қабылдауға қол жеткізді.

Комиссия Бюросының құрамына Австралия, Аргентина, Бурунди, Намибия, Ресей, Таиланд және Украина өкілдері төраға орынбасарлары ретінде кірді. Венгрия мен Ямайка өкілдері Комиссия шеңберінде жұмыс топтарындағы төрағалық етті.

БҰҰ-ға мүше мемлекеттер әлемдік ұйымның маңызды органының компромисстік шешімдер қабылдауын қамтамасыз ете алған қазақстандық төрағалықтың белсенді жұмысын жоғары бағалады.

 

БҰҰ-ның Қарусыздану жөніндегі комиссиясы Бас Ассамблеяға бағынатын консультативтік-кеңесші орган болып табылады және оның қызметі қарусыздану саласындағы әртүрлі проблемаларды қарастыру мен ұсыныстар жасауды қамтиды. Комиссия жыл сайын сәуір айында үш апта бойы жиналады және өз жұмысын пленарлық отырыстар мен жұмыс топтары арқылы жүргізеді.